Ngata Palu,- ALIMA Nivia najadi tersangka ka kasus nepatesi ridala Cut Mutia Lrg.Kapista RF, AR, IF, JF, RI. nompasabaka kamatena Rasyid (64 thn) salah saito tope patesi hai danangana RI(16 thn). Anu mpepatesi hai lelo dako nosibaga nompake taono ante ladi i Rivaldi(32 thn) nonturo ri dala Tadulako ante Rasyid (64 thn) Minggu(9/7/2017) naupu hai kamailekana tomate hai nisuaki ante nipatesi.
Anu hie nitevaika Kanit Krimum Iptu Fahat Bafadal, Sik tempona ni kakavaka wartawan naupu acara rekontruksi mpepetesi ri Lrg.Kapista eo Salasa(18/7/2017). Niulina geira alima tersangka hai nambela UU Pidana pasal 340 anu moepatesi nirancanaka ante kasus hi dako selidiki vai, batuana geira alima hai statusna dako sementara, mamala metetambai ato aga rapaka jadika saksi ngena.
Nitevaikana muni, motif mpepatesi sabana anu mpebalasi. Tomate nijalo tatalu ngganina, salah sanguna nitosu ri bengo taina nambelaka bagia na vital dako ri karona. " Sabanamo kasus hi nambelaka pepatesi nirancanaka, jadi naupu nijalo tonate hai muni nisepa ante nibobaka vatu sampe kaupuna namate" pangulina.
0 komentar:
Posting Komentar