Ngata Palu,- RANDUAITO Jaksa nikanavuka hukuma kadisiplina riara lapora pangadua (lapdu) periode Januari-Juli 2017 Kejati Sulteng. Salah saito jaksa hai nokarja ri libu Kejaksaan Negeri Donggala noinisial DZ ante kasus hukuma disiplin santanga, nanggava hukuma dopa rapaka mpene pangka saena sampae. Saitopa notugas ri Ogotuo nipambelaka sanksi hukuma nangaa nitagoro ante potulisi. Naria sangu kasus dako ri lapora samantara rabuka ri bidang pengawasan Kejaksaan Agung RI, anuhai kasus dugaan penyalahgunaan wewenang ka pompake anggaran mpae 2015 ri Kejaksaan Negeri Palu.
Anu hie nitevaika Kajati Prov Sulteng Sampe Tuah.SH ri haja Press Release eo Kamisi (20/7/2017) ri baruga Baharudin Lopa riara kantoro Kejati dala Sam Ratulangi jam 11.00 tanga eo. Riara petevaikana ante wartawan nakava ri acara hai, niulina randua jaksa nambela hukuma kedisiplinan sabana nanggava lapora, geira randua nanggava balasinamo.
Niulina muni ke roa-roa wartawan ala mamala mosibantu riara mpadekeika informasi ka kejati belaka maria data-data ntanina rakava ka kasus samantara ni tangani kami, " Kami masiap ante masadia mantarima informasi wartawan belaka maria" pangulina. **
0 komentar:
Posting Komentar