REPORTER: FIRMANSYAH
Ngata Palu,- PEMPROV Sulteng nanggavia haja HUT kemerdekan ka 72 mpaena ri lapanga Gubernur eo Kamisi (17/8/2017) tinti 10.00 wita nalancara sampe naupu. Acara hai nikakavaka topo pangka bayangi, eva Kapolda Sulteng Brigjen Pol Rudi Sufahriadi, Danrem 132 Tadulako Kolonel Inf Muh.Saleh Mustafa, Kajati Sulteng Sampe Tuah, Ketua DPRD Prov Sulteng Prof. Aminudin Ponulele ante undanga ntanina. Najadi Tadulako nu upacara Gubernur Sulteng DRS. Longki Djanggola. Mpabaca teks Proklamasi Prof. Aminudin Ponulele.
Pasukan mpataja bandera riara HUT hai ngana ri ngata Tadulako dako ri Kabupaten nte kota ri Sulteng. Geiara pura naupu puramo niseleksi ante nilati. Pasukan pongibar bandera ntanina tordiri dako ri Tatalu Kompi, kompi I nicampuru dako ri Perwira pertama Korem 132 Tadulako, Pama Polda, Polisi Militer ante dako ri Angkatan Laut deana pura Sangu Peleton. Kompi II noisika Brimob Polda Sulteng, Polwan, Sabhara, Kejati ante Satpol PP. Kompi Tatalu dako ri gabungan biro naria ri Pemprov Sulteng (ASN).
Riara haja hai nirangkaika ante mpadekei ponghargaan socara simbolis tanda kohormatan Satya Lencana Karya Bhakti ka 5 tona nokarja saena 30 thn, Saito saena Randua mpulu mpae ante Sampulu Pae nidekeika muni ka sangu tona. Naria muni acara ntanina naupu hai. Nodekeika hadia lomba Desa/Kelurahan socara simbolis nitarima Aono tona. nodekeika hadia lomba OP irigasi ka 6 tona ante mpadekeika bantua banua ntupu socara simbolis ka saito tona muni. Porayaan HUT Kemerdekaan ka 72 mpaena naama sampe ritinti 11.15 kasoro nu acara.**
0 komentar:
Posting Komentar