Ngata Palu,- GADE Masomba napapu vai Sabtu (26/8/2017) tinti 18.15 wib, ri vula Agutus (8/8/2017) naliu muni napapu mbaso. Deana karugia napapu ri tanggala muda Agutus hai kira-kira samiliyar, nakarugia dako ri topogade sampe ri banguna gade. Pamulana apu nendele dako ri lost topo balu baju bekas ato cakar. Naupu hai mpa tunju pura-purana banguna riara gade.
Anu hi nanggavia spekulasi dako ri todea ante topo balu rigade nuapa batuana kajadia napapu vaimo masomba dala Tg. Manimbaya ato nosinjori Mall Tatura Palu ( MTP). Dako ri pangantoaka Kaili Post ri libo napapu, apu nanggaremba notunju nuapa ringayona, Unit Pemadam Kebakaran (Damkar) ni bantu todea notimate nompaka paya apu. Aga nalamba sakide Oto Damkar nakava, niposabaka nadea barang-barang dako ri gade nisuvuraka ante topa nonto nakava mpataguni ri dala, kaupuna oto nakaja nesua riara gade.
Narie sakide nosisala antara topogade ante todea aga nakava nantara, tupu nu Lapak nanggaremba nolivu geira aga nakava nangantoaka nggo, niposabaka ledo riara dala manggeni uve mosira anu napapu riara gade, nauntu namala ni garaka. aparat koamanan.
Hj. Nani sala saito topo balu ri Gade Masomba mpatevaika apu mpamulana dako ri kios H. Sakka topo balu baju cakar. Vesia muni panguli i Icank, banuana nosingayosi ante gade napapu nangulika, ri tempona ia nesua riara Masomba, nikitana nariamo Randua Lost topo balu cakar napapumo " Nipeintaku apu nendelemo mpa tunju baju cakar nisoda ru bavona, yaku ante roa-roa domo namala nanggavia nuapa-nuapa, apu navonda ntotomo riara Randua Lost hai, kaupuna yaku ante roa-roa aga namala nobantu sarara mpa suvuraka isi nugadera" pangulina. Sampe kareba hi nitauraka, dopa nisani nuapa saba Gade Masomba napapu vai. Karugia kira-kira Noatu jutana. Apu namala nipaka paya kira2 ri tinti 23.30 Wita. **
0 komentar:
Posting Komentar