Ngata Palu,- SI Jago Lei nanggaremba vai, sangu banua ri dala Oto Iskandar Dinata (Otista) no.21 Ngata Palu eo Senin (17/7/2017) kita-kira jam 10 padondona napapu. Tupu banua hai anggota polisi napansiumo nosangaka Sulaeman H.Gafur. Sabana napapu na koslet kabel nu listrik ri palavon banuara.
Dako ri pangantoaka Media hi, napapu partamana ri bengo banua nikaviaka kost randua susu. Naupu hai apu mesuamo ri ara karavaa. Nauntu Ampa oto Pemadam Kebakaran Palu ni bantu todea nompaka paya apu. Kira-kira jam 11 apu namalamo ni paka mate.
Salara sabinggana i Burhan nompetevaika ka wartawan, niulina ia nanggita apu mpamulana dako ri bengo banua. Naupu hai ia ante saito polisi nongare nompokio tona ala mosibantu mompaka paya apu. Anantupu banua i Vina mpetevaika ia natekaja ante eva domo nisanina dunia watuna tona nompongareja naria apu ri banuana, "Yaku eva nasalingayamo, langsung nisuvurakaku oto riara garasi naupu hai nosibantu ante tona mpaanggataka anu nu parkakasa riara banua mamala rasalamatkan," pangulina. **
0 komentar:
Posting Komentar