Palu,- KAJATI Sulteng Sampe Tuah, SH riara hajana mpetevaika ka wartawan ri kasorona upacara riara nuhahaja Hari Bhakti Adhyaksa ka- 57 mpaena riara kantorona Sabtu (22/7/2017) pangulina dopa ria riara ntai mompaka taa kasus PU.Sigi, “ hajaku natantumo, nariamo nesua ri Koran-koran ala kita mamaju ri ngayona ledo momunduri” mpetevaikana.
Anu hie ni petevaikana muni ri ara Press Release ri Aula Baharudin Lopa eo Kamisi (20/7/2017), tim petatopo dako ri Kejati megande KPK tempona hai eo Senin (22/7/2017). Tim petatopo dako ri Kejati mosuvuraka pura ante rapakitaka ka todea kasus topo pangangga doi Negara deana Rp. 9,4 miliyar nasukaka panggava Badan Pemeriksa Keuangan (BPK-RI) ri ngayo tim petatopo KPK. Nggauluna hai Kejati Sulteng dampatangani Korupsi PU.Sigi ri proyek panggavia dala ri Kec.Pipikoro jalur Sadamanta- Lindu ante peana-Kalamanta Kulawi.
Nakavaopa Sampe nangulika riara rangka Hari Bhakti Adhyaksa ka 57 mpae hi “Ala kita pura hi mpu-mpu mokarja riara koridor nasesuai ante prosedur standar opersianal katantua perundang-undangan sabagai mpalaksanaka undang-undang hai masangu rara mokarjakana, mpu-mpu mokarjakana ante harapa todea momparcayai, todea mompokono kejaksaan, anu hi patujuta” pangulina.
Ia muni mpaharap ka Media-media naria ri ngata kaledo ala maria sangu kontribusita pura, sabana Kejaksaan hi sangu Lambaga hukum riumbana tantuna kita mosi awasi pura, mosi mpetevaika ala nuapa ra karja nu kejaksaan mabelo pura. **
0 komentar:
Posting Komentar